فائل فوٹو

صدر آصف علی زرداری اور وزیراعظم محمد شہباز شریف نے بلوچستان کے ضلع واشک کے علاقے ماشکیل میں معصوم مزدوروں پر دہشت گرد حملے کی شدید مذمت کی ہے۔

اپنے الگ الگ بیانات میں انہوں نے قیمتی جانوں کے ضیاع پر گہرے دکھ اور افسوس کا اظہار کرتے ہوئے شہدا کے اہلِ خانہ سے دلی ہمدردی اور تعزیت کا اظہار کیا۔

صدر اور وزیراعظم نے کہا کہ ایسے بزدلانہ حملے قوم کے عزم کو متزلزل نہیں کر سکتے۔

انہوں نے کہا کہ سکیورٹی فورسز ملک سے دہشت گردی کے مکمل خاتمے اور ہر شہری کی جان و مال کے تحفظ کے لیے پرعزم ہیں۔

صدر اور وزیراعظم نے کہا کہ فتنہ الہندوستان کے دہشت گرد اور ان کے سہولت کار کسی رعایت کے مستحق نہیں اور ان کو قانون کے کٹہرے میں لایا جائے گا۔