بلوچستان کے ضلع واشک کے علاقے ماشکیل میں فتنہ الہندوستان کے دہشت گردوں کے بزدلانہ حملے میں پانچ مزدور شہید ہوگئے۔
سکیورٹی ذرائع کے مطابق فتنہ الہندوستان کے بزدل دہشت گردوں نے معصوم اور نہتے مزدوروں کو نشانہ بنایا جن کا تعلق پنجاب سے تھا۔
شہید ہونے والے مزدوروں میں محمد بلال ، محمد حسن، محمد قدیر، محسن اور بلال شامل ہیں۔
دہشت گردوں کی تلاش کیلئے سکیورٹی فورسز نے علاقے کو گھیرے میں لے کر سرچ آپریشن شروع کر دیا ہے۔
ماہرین کے مطابق سیکیورٹی فورسز کے ہاتھوں ہزیمت کا شکار فتنہ الہندوستان کے بزدل دہشت گرد علاقے میں خوف و ہراس پھیلانے کیلئے معصوم شہریوں کو نشانہ بنا رہے ہیں۔
