پنجاب اور خیبرپختونخوا کے ہنگامی امداد کے اداروں نے کل سے ہفتے کے روز تک صوبوں کے بیشتر علاقوں میں تیزہوائوں اور گرج چمک کے ساتھ بارش اور ژالہ باری کا انتباہ جاری کیا ہے۔
ڈی جی پی ڈی ایم اے پنجاب عمر جاوید کے مطابق وزیراعلیٰ مریم نواز کی ہدایت پر تمام کمشنرز اور ڈپٹی کمشنرز کو الرٹ کر دیا گیا ہے۔ انہوں نے شہریوں پر زور دیا کہ وہ خود کو آسمانی بجلی سے بچانے کے لیے محفوظ مقامات پر رہیں۔
پی ڈی ایم اے خیبرپختونخوا کے مطابق صوبے بھر کے تمام ڈپٹی کمشنرز کو ہدایت کی گئی ہے کہ وہ اس عرصے کے دوران کسی بھی جانی و مالی نقصان سے بچنے کیلئے احتیاطی اقدامات یقینی بنائیں۔
ادارے نے تمام متعلقہ محکموں کو الرٹ رہنے اور پیشگی اقدامات یقینی بنانے کی ہدایت بھی کی کیونکہ بارشوں سے پہاڑی علاقوں میں لینڈ سلائیڈنگ اور صوبے کے شہری علاقوں میں سیلاب آ سکتا ہے۔
