اقوام متحدہ کے سیکرٹری جنرل انتونیو گوتریس پاکستان کے تین روزہ سرکاری دورے کے بعد واپس روانہ ہو گئے ہیں۔
دفتر خارجہ نے ایک بیان میں کہا کہ اس دورے سے کثیرجہتی نظام اور اقوام متحدہ کے منشور کے مقاصد اور اصولوں کیلئے پاکستان کے غیر متزلزل عزم کا اعادہ ہوا۔
بیان میں کہا گیا کہ یہ دورہ سیکرٹری جنرل کی بصیرت افروز قیادت اور بین الاقوامی امن اور ترقی کیلئے ان کی خدمات کیلئے پاکستان کی گہری پذیرائی کا بھی مظہر ہے۔
