نائب وزیراعظم محمد اسحاق ڈار نے کہا ہے کہ پاکستان اور بحرین نے دوطرفہ تجارت کا حجم ایک ارب ڈالر تک بڑھانے کا ہدف مقرر کیا ہے۔
اسلام آباد میں پاکستان بحرین مشترکہ وزارتی کمیشن کے تیسرے اجلاس سے خطاب کرتے ہوئے انہوں نے کہا کہ دوطرفہ تعلقات مزید مضبوط بنانے اور مختلف شعبوں میں تعاون بڑھانے کیلئے کوششیں کی جا رہی ہیں۔
اسحاق ڈار نے اس بات پر زور دیا کہ دونوں ممالک کو تجارتی اہداف کے حصول کے لیے کاروباری اور حکومتی سطح پر روابط کے ذریعے مربوط کوششیں کرنا ہوں گی۔
انہوں نے کہا کہ تقریبا ایک لاکھ چونتیس ہزار پاکستانی بحرین میں مقیم ہیں اور ہنرمند پاکستانی افرادی قوت کی فراہمی میں مزید سہولت دینے کی ضرورت ہے۔
نائب وزیراعظم نے دونوں ممالک کے درمیان مختلف شعبوں میں تعاون کو وسعت دینے کی خواہش کا اظہار کیا۔
