وزیرِ خزانہ محمد اورنگزیب نے پاکستان کے کاروباری اور مالیاتی شعبوں کی پائیدار ترقی میں معاون اصلاحات میں مدد دینے کے لیے حکومت کے عزم کا اعادہ کیا ہے۔
وہ آج اسلام آباد میں سیکیورٹیز اینڈ ایکسچینج کمیشن آف پاکستان کی کارکردگی کا جائزہ لینے کے لیے منعقدہ اجلاس کی صدارت کر رہے تھے۔
وزیرِ خزانہ نے کاروباری سہولت کاری اور مؤثر ریگولیٹری فریم ورک کے درمیان توازن برقرار رکھنے کی اہمیت پر زور دیا۔
انہوں نے SECP کی جانب سے قوانین کے نفاذ کی کوششوں، بالخصوص ضوابط کی پاسداری نہ کرنے پر سرکاری ملکیتی اداروں کے خلاف کی جانے والی کارروائی کو سراہا۔
