سکھوں کے روحانی پیشوا گروارجن دیو کی شہادت کے حوالے سے مذہبی رسومات میں شرکت کیلئے بھارت سے سکھ یاتری واہگہ بارڈر کے راستے بدھ کو پاکستان آئیں گے۔

سکھ یاتری اپنے دورے کے دوران متعدد گردواروں کی زیارت کریں گے جن میں گردوارہ جنم استھان ننکانہ صاحب، فاروق آباد میں سچا سودا حسن ابدال میں پنجہ صاحب نارووال میں دربارصاحب کرتاپور اور ایمن آباد گوجرانوالہ میں روہڑی صاحب شامل ہیں۔

اس سلسلے میں مرکزی تقریب رواں ماہ کی سولہ تاریخ کو گوردوارہ ڈیرہ صاحب لاہور میں ہوگی۔

سکھ یاتری اس ماہ کی انیس تاریخ کو بھارت واپس روانہ ہوں گے۔