عمان کے وزیر ہائوسنگ اور شہری منصوبہ بندی ڈاکٹر خلفان بن سعید بن مبارک الشعیلی نے مسقط میں پنجاب کی وزیر اعلی مریم نواز شریف سے ملاقات کی اور پنجاب کے اپنی چھت، اپنا گھر ہائوسنگ منصوبے میں دلچسپی کا اظہار کیا۔
عمان کے وزیر نے مریم نواز کو یو این ہیبی ٹیٹ اسکرول آف آنر ایوارڈ ملنے پر مبارکباد دی۔
مریم نواز نے عمان کے وزیر کو پنجاب کے ہا ئوسنگ منصوبوں کے بارے میں آگاہ کیا اور کہا کہ صوبائی حکومت پانچ سال کے اندر کم آمدنی والے خاندانوں کے لیے پانچ لاکھ گھر تعمیر کرنے کا منصوبہ رکھتی ہے۔
اس موقع پر پائیدار شہری منصوبہ بندی، ہائوسنگ اور ترقی کے امور پر بھی تبادلہ خیال کیا گیا۔ ڈاکٹر الشعیلی نے عمان کے رئیل اسٹیٹ شعبے میں پاکستانی کمپنیوں کے کردار کو سراہا۔
