سکیورٹی فورسز نے شمالی وزیرستان کے علاقے دتہ خیل میں خفیہ اطلاعات کی بنیاد پر ایک کارروائی میں تین خوارج ہلاک کر دیئے ہیں۔

فوج کے شعبہ تعلقات عامہ کے مطابق سکیورٹی فورسز نے علاقے میں خوارج کی موجودگی کی خفیہ اطلاعات پر آپریشن کیا۔

کارروائی کے دوران سکیورٹی فورسز نے موثر طریقے سے ٹھکانے کا سراغ لگاتے ہوئے تین خوارج کو اس وقت ہلاک کیا جب وہ برقعے پہن کر فرار ہونے کی کوشش کررہے تھے۔

ہلاک ہونے والے خوارج کے قبضے سے ہتھیار اور گولہ بارود بھی برآمد کرلیا گیا جو علاقے میں دہشت گردی کی کئی کارروائیوں میں ملوث تھے۔

پاکستان کی سکیورٹی فورسز ملک سے دہشت گردی کے ناسور کے خاتمے کیلئے پرعزم ہیں۔