پاکستان اور ٹیکنالوجی کمپنی ہواوے نے تیزی سے ترقی کرتی ہوئی ڈیجیٹل معیشت میں مہارتوں کے فروغ اور مواقع تک بہتر رسائی کے ذریعے ملک کے نوجوانوں کو بااختیار بنانے کے مشترکہ عزم کا اعادہ کیا ہے۔

اس عزم کا اظہار اسلام آباد میں وزیراعظم یوتھ پروگرام کے چیئرمین رانا مشہود احمد خان اور ہواوے پاکستان کے وفد کے درمیان ملاقات میں کیا گیا۔ جس کی قیادت اے آئی اینڈ کلائوڈ کے چیف ایگزیکٹو آفیسر احمد بلال مسعود نے کی۔

رانا مشہود احمد خان نے پاکستان کی حکومت کی جانب سے نوجوانوں کو مستقبل کی ضروریات سے ہم آہنگ مہارتوں سے آراستہ کرنے اور باعزت روزگار کے موثر مواقع پیدا کرنے کے حکومت کے عزم کو اجاگر کیا۔