پاکستان نے مقامی طور پر تیار کردہ پہلے فضا سے فضا میں مار کرنے والے میزائل فاز کا کامیاب تجربہ کیا ہے۔

آئی ایس پی آر کے مطابق یہ قومی فضائی اور دفاعی صلاحیتوں میں پیش رفت کا ایک اور اہم سنگ میل ہے۔

میزائل جدید ترین ٹرمینل گائیڈنس سسٹم سے لیس ہے اور طویل فاصلے پر دشمن کے فضائی اہداف کو نشانہ بنانے کی صلاحیت رکھتا ہے۔

صدر مملکت، وزیراعظم، چیف آف آرمی اسٹاف و چیف آف ڈیفنس فورسز اور سروسز چیفس نے اس شاندار کامیابی پر سائنسدانوں اور انجینئرز کو مبارکباد دی ہے۔