وزیر توانائی سردار اویس احمد خان لغاری نے کہا ہے کہ خیبر پختونخوا بھر میں ٹرانسفارمر کی بنیاد پر لوڈ مینجمنٹ سسٹم پر فعال طور پر عمل درآمد کیا جا رہا ہے۔

وہ آج اسلام آباد میں وفاقی وزیر پٹرولیم علی پرویز ملک اور گورنر خیبر پختونخوا فیصل کریم کنڈی کے ہمراہ ایک مشاورتی اجلاس کی مشترکہ صدارت کر رہے تھے، جس میں خیبر پختونخوا کو درپیش بجلی اور توانائی کے مسائل کے پائیدار حل تلاش کرنے پر غور کیا گیا۔

ٹرانسفارمر کی بنیاد پر لوڈ مینجمنٹ سسٹم کے تحت پورے فیڈرز کی بجلی بند کرنے کا روایتی طریقہ مرحلہ وار ختم کر دیا جائے گا اور اس کے بجائے لوڈ مینجمنٹ انفرادی ٹرانسفارمرز کی سطح پر کی جائے گی۔