وزیراعظم شہباز شریف نے آج ایرانی وزیر خارجہ سید عباس عراقچی کو ٹیلی فون کیا اور ان کی ہمشیرہ کے انتقال پر تعزیت کا اظہار کیا۔

وزیراعظم نے وزیر خارجہ عراقچی اور ان کے اہل خانہ سے دلی ہمدردی کا اظہار کیا اور مرحومہ کے ایصال ثواب کے لیے دعائے مغفرت کی۔

انہوں نے دعا کی کہ اللہ تعالیٰ مرحومہ کو جوارِ رحمت میں جگہ عطا فرمائے اور سوگوار خاندان کو یہ ناقابل تلافی نقصان برداشت کرنے کے لیے صبر و حوصلہ دے۔

ایران کے وزیرِ خارجہ نے دکھ کی اس گھڑی میں ہمدردی اور خلوص کے اظہار اور غم میں شریک ہونے پر ان کا شکریہ ادا کیا۔