عالمی ذرائع ابلاغ نے بھارت میں طلبہ کی بڑھتی ہوئی احتجاجی تحریک اور اس کے خلاف حکومتی کارروائیوں کو نمایاں کرتے ہوئے اسے وزیرِاعظم نریندر مودی کی حکومت کیلئے ایک بڑا چیلنج قرار دیا ہے۔

الجزیرہ کے مطابق احتجاجی مظاہروں کے دوران بھارتی پولیس نے طلبہ کے خلاف پیلٹ گنز کا استعمال کیا۔

سی این این نے اپنی رپورٹ میں کہا ہے کہ "کاکروچ" احتجاجی تحریک مودی حکومت کو درپیش بڑے چیلنجز میں سے ایک بن چکی ہے۔

ایسوسی ایٹڈ پریس کے مطابق حالیہ احتجاج مودی کی ہندو قوم پرست حکومت کو عوامی سطح پر درپیش نمایاں چیلنجز میں شمار کیا جا رہا ہے۔

سی این بی سی نے رپورٹ کیا ہے کہ 2029 کے عام انتخابات سے قبل یہ تحریک مودی حکومت کے 12 سالہ دورِ اقتدار میں حکومت مخالف جذبات کی مضبوط ترین لہر بن کر ابھری ہے۔

یہ احتجاج بھارت کے امتحانی نظام میں مبینہ بے ضابطگیوں کے خلاف شروع ہوا، جبکہ ناقدین کا کہنا ہے کہ حکومت ان بے ضابطگیوں کے ذمہ داروں کے خلاف کارروائی کے بجائے موجودہ نظام کے تحفظ کو ترجیح دے رہی ہے۔