افغانستان میں طالبان رجیم کی جابرانہ پالیسیوں اور ہرات میں پر امن مظاہرین کے قتل عام کے خلاف یورپی ممالک میں احتجاجی لہر برقرار ہے۔

سویڈن کے دارالحکومت اسٹاک ہوم میں سینکڑوں افغان مہاجرین طالبان رجیم کی پالیسیوں اور خواتین پر مظالم کیخلاف سڑکوں پر نکل آئے۔

پلے کارڈز اٹھائے مظاہرین نے طالبان رجیم کے خلاف شدید نعرے بازی کی اور عالمی برادری سے فوری ایکشن کا مطالبہ کیا۔

انہوں نے سویڈش حکومت اور یورپی یونین سے افغان طالبان رہنماؤں کے یورپ میں داخلے اور ویزوں کے اجراء پر فوری اور مکمل پابندی عائد کرنے کا مطالبہ بھی کیا۔