انقرہ میں پاکستان کے سفارتخانے میں یوم تشکر منانے کے لئے ایک تقریب کا اہتمام کیا گیا جس میں پاکستانی برادری نے شرکت کی۔
اس موقع پر پاکستان کے سفیر ڈ اکٹر یوسف جنید نے کہا کہ بھارت کی طرف سے ملک کے فوجی اڈوں پر حملوں کے بعد پاکستان نے اپنا دفاع کا حق استعمال کرتے ہوئے آپریشن بنیان مرصوص کے ذریعے بھارت کو منہ توڑ جواب دیا۔
انہوں نے ترک قوم کا تہہ دل سے شکریہ ادا کیا جو صدر رجب طیب اردوان کی رہنمائی میں آزمائش کی اس گھڑی میں پاکستان کے شانہ بشانہ رہی۔
