Wednesday, 26 February 2025, 11:46:55 pm
 
وزیراعظم کا افغانستان سے گزرنے والے ریلوے منصوبے کیلئے پاکستان کے عزم کا اظہار
February 26, 2025

وزیراعظم شہبازشریف نے افغانستان سے گزرنے والے ریلوے منصوبے کیلئے پاکستان کے عزم کا اظہار کرتے ہوئے یہ بات زوردے کر کہی ہے کہ یہ انقلابی تبدیلی والا منصوبہ ہے جس سے پورے خطے میں تجارتی شعبے میں نمایاں تبدیلی آئے گی۔

انہوں نے آج (بدھ کو )تاشقند میں پاکستان ازبکستان تجارتی فورم سے خطاب کرتے ہوئے کہاکہ اس منصوبے کی تکمیل اور اسے حقیقت کا روپ دینے کیلئے دونوں ملک ملکر اقدامات کریںگے۔

وزیراعظم نے کہاکہ دونوں ممالک نے اصولی طورپر اتفاق کیا ہے کہ این ایل سی ازبکستان کے مال بردار ادارے کے اشتراک سے مال اور خدمات کی ترسیل کیلئے ایک مشترکہ کمپنی قائم کرے گا۔

انہوں نے کہاکہ مشترکہ منصوبوں کی صورت میں ازبکستان کی ماہرانہ خدمات اس شعبے کے فروغ میں بڑی مدد گار ثابت ہوںگی۔

انہوں نے کہاکہ انفارمیشن ٹیکنالوجی ، زراعت ، ٹیکسٹائل اورسیاحت جیسے دوسرے شعبوں میں بھی ایک دوسرے سے تعاون کرسکتے ہیں۔