وزیراعظم شہباز شریف نے پاکستان نیشنل اولیو ویلیو چین پالیسی کا اجرا کر دیا ہے، جس کا مقصد زیتون کی پیداوار میں اضافہ کر کے ملکی خوشحالی کو فروغ دینا ہے۔
اجرا کی تقریب سے خطاب کرتے ہوئے انہوں نے کہا کہ پاکستان سالانہ چار ارب ڈالر مالیت کا خوردنی تیل درآمد کرتا ہے۔
انہوں نے کہا کہ اگر مقامی خوردنی تیل کی پیداوار بڑھا کر ایک سال میں چالیس کروڑ ڈالر کی بچت کی جا سکے تو یہ ایک بڑی کامیابی ہوگی۔
وزیراعظم نے اعتماد کا اظہار کیا کہ پاکستان چند سالوں میں خوردنی تیل کے شعبے میں خود کفیل ہو سکتا ہے۔
