نائب وزیراعظم محمد اسحاق ڈار اور یونان کے وزیر خارجہ جارج گیراپیٹریٹس نے نیویارک میں اقوام متحدہ کی جنرل اسمبلی کے اکیاسی ویں اجلاس کے موقع پر ملاقات کی۔

انہوں نے توانائی کی فراہمی میں رکاوٹ سمیت علاقائی اور عالمی پیش رفت پر تبادلہ خیال کیا اور بلا رکاوٹ بحری نقل و حرکت کی اہمیت پر زور دیا۔

دونوں رہنمائوں نے پاکستان اور یونان کے دوطرفہ تعلقات کو مزید مضبوط بنانے کے عزم کا اعادہ کیا ، جس میں تجارت، سرمایہ کاری اور کاروباری روابط کے فروغ پر خصوصی توجہ دی گئی۔

یونانی وزیر خارجہ نے علاقائی امن و استحکام کے فروغ میں پاکستان کے تعمیری کردار اور عالمی سطح پر پاکستان کے بڑھتے ہوئے سفارتی روابط کو سراہا۔

انہوں نے یونان میں پاکستانی تارکین وطن کی قابل قدر خدمات کی بھی تعریف کی۔