نائب وزیراعظم اسحاق ڈار نے غزہ میں مصائب کے خاتمے اور انسانی امداد کی بلا تعطل فراہمی یقینی بنانے کی فوری ضرورت پر زور دیا ہے۔
انہوں نے یہ بات ’’اگلا قدم: نیویارک اعلامیے اور جامع بیس نکاتی امن منصوبے کے ایک سال بعد‘‘ کے موضوع پر دو ریاستی حل کے بارے میں آج اعلیٰ سطح کے عالمی اجلاس سے خطاب کرتے ہوئے کہی۔
اسحاق ڈار نے انیس سو سڑسٹھ سے قبل کی سرحدوں کی بنیاد پر ایک آزاد، خودمختار اور جغرافیائی طور پر متصل فلسطینی ریاست کے قیام کی جانب ناقابل واپسی سیاسی عمل کو آگے بڑھانے پر بھی زور دیا جس کا دارالحکومت القدس الشریف ہو۔
یہ اجلاس فرانس کے صدر ایمانوئل میکرون، کینیڈا کے وزیراعظم مارک کارنی اور برطانیہ کے وزیراعظم اینڈی برنہم کی جانب سے منعقد کیا گیا۔
سعودی عرب کے وزیر خارجہ شہزادہ فیصل بن فرحان السعود اور اقوام متحدہ کے سیکرٹری جنرل انتونیو گوتریس نے اجلاس سے افتتاحی خطاب کیے۔
