نائب وزیراعظم اسحاق ڈار نے نیویارک میں اقوام متحدہ کی جنرل اسمبلی کے 81 ویں اجلاس کے موقع پر آذربائیجان کے وزیر خارجہ جے جیہون بائراموف  سے ملاقات کی۔

دونوں وزرائے خارجہ کے درمیان پاکستان اور آذربائیجان کے قریبی اور برادرانہ تعلقات کو مزید فروغ دینے پر مثبت تبادلہ خیال ہوا اور باہمی دلچسپی کے دوطرفہ امور پر بات چیت کی گئی۔

انہوں نے اپنے باہمی تعاون کا اعادہ کیا اور کثیر جہتی دوطرفہ تعاون کو مزید مضبوط بنانے کے عزم کا اظہار کیا اور قریبی رابطہ رکھنے پر اتفاق کیا۔