نائب وزیراعظم محمد اسحق ڈار نے نیو یارک میں اقوام متحدہ کی جنرل اسمبلی کے اکاسی ویں اجلاس کے موقع پر سعو دی عرب کے وزیر خارجہ شہزادہ فیصل بن السعود سے ملاقات کی۔

دونوں رہنماؤں نے پاکستان اور سعودی عرب کے درمیان گہرے اور برادرانہ روابط کا اعادہ کرتے ہوئے سفارتی، سرکاری اور خصوصی پاسپورٹ کے حامل افراد کیلئے ویزے کے مشترکہ استثنیٰ کے معاہدے پر دستخط کو خوش آئند قرار دیا۔

اسحق ڈار نے سعودی عرب کے ساتھ غیر متزلزل یکجہتی کا اظہارکیا اور سعودی عرب پر حالیہ حملوں کی مذمت کی۔

دونوں رہنمائوں نے مکہ مشترکہ دفاعی معاہدے سے متعلق امور پر تبادلہ خیال کیا اور اس کے تحت تعاون کو مستحکم کرنے اور علاقائی امن و استحکام اور سلامتی کے اپنے پختہ عزم کا اعادہ کیا۔

دونوں رہنمائوں نے اعلیٰ سطح کے پائیدار تبادلوں کی اہمیت کو اجاگر کیا اور باہمی دلچسپی کے دوطرفہ اور علاقائی امور میں قریبی تعاون جاری رکھنے پر اتفاق کیا۔