صدر آصف علی زرداری اور وزیراعظم شہباز شریف نے ڈونلڈ ٹرمپ کو امریکہ کے47ویں صدر کا عہدہ سنبھالنے پر مبارکباد دی ہے۔

اپنے پیغام میں صدر نے نئے امریکی صدر کے لئے نیک خواہشات کا اظہار کیا۔

ادھر سوشل میڈیاپلیٹ فارم ایکس پر ایک پوسٹ میں وزیر اعظم نے کہا کہ وہ پائیدار پاک امریکہ تعلقات کو مضبوط بنانے کے لئے انکے ساتھ کام کرنے کے منتظر ہیں۔

انہوں نے کہا کہ گزشتہ برسوں کے دوران ہمارے دونوں عظیم ملکوں نے خطے میں اور اس سے باہر اپنے لوگوں کے امن اور خوشحالی کے لئے مل کر کام کیا ہے اور مستقبل میں بھی ایسا کرتے رہیںگے۔

شہباز شریف نے صدر ٹرمپ کی دوسری بار کامیابی پر اُن کے لئے نیک خواہشات کا اظہار کیا۔