اقتصادی امور اور اسٹیبلشمنٹ کے وزیر سینیٹر احد چیمہ نے غیر تسلیم شدہ آئی ٹی اداروں کے مسئلے کے حل کیلئے جامع طریقہ کار وضع کرنے پر زور دیا ہے۔

انہوں نے آج اسلام آباد میں ایک اعلی سطح کے اجلاس کی صدارت کرتے ہوئے کہا کہ غیر تسلیم شدہ اداروں اور پروگراموں میں داخلے روکنے کیلئے مربوط اقدامات کی ضرورت ہے۔

وفاقی وزیر نے متعلقہ حکام کو ہدایت کی کہ داخلہ لینے سے قبل ممکنہ طلبہ کو جامعات، ان سے منسلک کالجز اور انفرادی پروگراموں کی منظوری کی حیثیت کے بارے میں قابل اعتماد معلومات کی فراہمی یقینی بنائی جائے۔