انسٹیٹیوٹ آف انرجی اینڈ اینوائرنمنٹل انجینئرنگ پنجاب یونیورسٹی لاہور میں سموگ کے خاتمے کیلئے مقامی سطح پر تیارہ کردہ حکمت عملی کے فروغ کے بارے میں ایک سیمینار کا اہتمام کیا گیا۔

رورل کمیونٹی ڈویلپمنٹ سوسائٹی نے Welthungerhilfe کے تعاون سے سیمینار کا اہتمام کیا۔

سیمینار میں طلباء، اساتذہ، سول سوسائٹی کے نمائندوں، صحافیوں اور سرکاری حکام سمیت دوسوپچاس سے زائد افراد نے شرکت کی۔

سیمینار سے خطاب کرتے ہوئے رورل کمیونٹی ڈویلپمنٹ سوسائٹی کے مینجنگ ڈائریکٹر قیصر اقبال نے سرکاری حکام، عوام، محققین اور طلبا سمیت تمام فریقوں پر زور دیا کہ وہ ماحولیاتی تحفظ میں اپنا کردار ادا کریں۔

جیوسائنسز کے شعبے کے سربراہ ڈاکٹر ساجد راشد احمد نے سموگ کے خاتمے کے بارے میں آگاہی پیدا کرنے کی ضرورت پر زور دیا۔