وزیراعظم شہبازشریف نے اربوں روپے مالیت کے جناح سکوائر منصوبے کا افتتاح کردیا ہے جسے وفاقی دارالحکومت میں ٹریفک کا مسئلہ حل کرنے کیلئے 72 روز کی ریکارڈ مدت میں مکمل کیا گیا ہے ۔

انہوں نے آج اسلام آباد میں افتتاحی تقریب سے خطاب کرتے ہوئے کہاکہ اسلام آباد میں ٹریفک کی روانی برقراررکھنے کیلئے یہ ایک بڑا منصوبہ ہے۔

انہوں نے کہا کہ اس منصوبے میں متعدد LANES پر مشتمل تین انڈر پاسز شامل ہیں جبکہ چودہ کلومیٹر سڑک تعمیرکی جاچکی ہے ۔

وزیراعظم نے انیس سو ساٹھ کی دہائی کے دوران تعمیر کی گئی سرکاری عمارات کی مرمت اور بہتری پر بھی زوردیا۔

انہوں نے ریکارڈ مدت میں یہ منصوبہ مکمل کرنے پر وزیرداخلہ محسن نقوی اور سی ڈی اے ٹیم کی کوششوں کی تعریف کی۔