نائب وزیراعظم اور وزیر خارجہ اسحاق ڈار نے سعودی عرب کے وزیر خارجہ شہزادہ فیصل بن فرحان سے ٹیلیفون پر بات چیت کی۔

دونوں رہنماؤں نے امریکہ اور ایران کے درمیان مذاکرات آخری مرحلے میں داخل ہونے کا خیرمقدم کیا اور توقع ظاہر کی کہ الیکٹرانک دستخط کی تقریب کل ہوگی۔

انہوں نے امید ظاہر کی کہ یہ اہم پیش رفت خطے میں دیرپا امن اور استحکام کے قیام میں مددگار ثابت ہوگی۔

سعودی وزیر خارجہ نے مذاکراتی عمل کے دوران ثالثی اور بات چیت کی حمایت میں پاکستان کی موثر اور مسلسل کوششوں کو سراہا۔

فریقین نے اس ماہ کے آخر میں مصر میں ہونے والے چار ممالک کے وزرائے خارجہ کے آئندہ علاقائی اجلاس سے متعلق امور پر بھی تبادلہ خیال کیا۔