نائب وزیراعظم محمد اسحاق ڈار کے زیرِ صدارت آج اسلام آباد میں ایک اجلاس ہوا جس میں رواں سال نومبر میں پاکستان کی میزبانی میں ہونے والے ای سی او وزراء کونسل کے اجلاس کی تیاریوں کا جائزہ لیا گیا۔
نائب وزیراعظم کو اجلاس کی تیاریوں، مجوزہ پروگرام اور ایجنڈے، شرکاء، لاجسٹکس اور دیگر انتظامات کے بارے میں بریفنگ دی گئی۔
انہوں نے تیاریوں کا تفصیلی جائزہ لیا اور وزراء کونسل کے آئندہ اجلاس کے اہم پہلوؤں کے حوالے سے رہنمائی فراہم کی۔
اسحاق ڈار نے اقتصادی تعاون تنظیم اور علاقائی تجارت، رابطوں اور اقتصادی تعاون کے فروغ میں اس کے کردار پر پاکستان کی جانب سے دی جانے والی اہمیت کو اُجاگر کیا۔
انہوں نے متعلقہ حکام کو ہدایت کی کہ وہ پاکستان میں وزراء کونسل کے اجلاس کو نتیجہ خیز اور کامیاب بنانے کے لیے جامع تیاریاں یقینی بنائیں۔
