وفاقی وزیر تعلیم خالد مقبول صدیقی نے کہا ہے کہ پاکستان ایتھوپیا کے ساتھ اپنے دیرینہ دوستانہ تعلقات کو بہت اہمیت دیتا ہے اور بالخصوص تعلیم کے شعبے میں دوطرفہ تعاون کو مزید وسعت دینے کا خواہشمند ہے۔
انہوں نے یہ بات اسلام آباد میں پاکستان میں ایتھوپیا کے سفیر ڈاکٹر عمر حسین اوبا سے ملاقات کے دوران کہی۔
وفاقی وزیر نے دونوں ملکوں کی جامعات اور تحقیقی اداروں کے درمیان براہِ راست روابط کو سراہا اور کہا کہ اس طرح کا تعاون اساتذہ کے باہمی تبادلے، تحقیقی اشتراک اور طلبہ کے لیے تعلیمی مواقع کو فروغ دینے کا باعث بن سکتا ہے۔
