نائب وزیراعظم اسحاق ڈار نے معاشرے کے مستحق طبقات کو ٹارگٹڈ فیول ریلیف فراہم کرنے کے لیے حکومت کے عزم کا اعادہ کیا ہے۔
وہ آج اسلام آباد میں وزیراعظم کی فیول سبسڈی سکیم کے بارے میں قومی رہبر کمیٹی اور فیول ریلیف سکیم کے لیے میڈیا مینجمنٹ کے بارے میں کمیٹی کے مشترکہ اجلاس کی صدارت کر رہے تھے۔
اسحاق ڈار نے متعلقہ حکام کو ہدایت کی کہ بین الصوبائی اور بین الوزارتی رابطوں، سکیم پر مؤثر عمل درآمد، وسائل کی مؤثر تقسیم اور عوام میں آگاہی کی بھرپور مہم کو یقینی بنایا جائے۔
انہوں نے صوبائی، آزاد کشمیر اور گلگت بلتستان کی حکومتوں کے تعاون کو سراہا۔
