قائم مقام صدر یوسف رضا گیلانی نے اسلام آباد میں سینیٹ کی موبائل ایپلی کیشن کا اجراء کیا۔
اس موقع پر خطاب کرتے ہوئے انہوں نے اس اقدام کو سینیٹ کو مزید جدید، موثر اور ذمہ دار بنانے کی جانب ایک اہم قدم قرار دیا۔
انہوں نے کہا کہ یہ اقدام وقت اور ٹیکنالوجی کے ساتھ چلنے کے عزم کے ساتھ ساتھ ایک اہم سٹریٹجک تبدیلی کی بھی عکاسی کرتا ہے۔
قائم مقام چیئرمین سینیٹ سردار سیدال خان نے کہا کہ سینیٹ کی موبائل ایپلی کیشن ایوان بالا کے اندرونی نظام کو جدید بنانے کی وسیع تر کوششوں کا حصہ ہے۔
وزیر برائے پارلیمانی امور طارق فضل چوہدری نے کہا کہ موبائل ایپلی کیشن کے ذریعے شہری پارلیمنٹ کے بارے میں مزید آسانی سے معلومات حاصل کر سکیں گے۔
وزیر انفارمیشن ٹیکنالوجی شزہ فاطمہ نے اپنے کلمات میں ڈیجیٹل تبدیلی کیلئے حکومت کی کوششوں کو اجاگر کیا۔
