پاکستان نے اقوام متحدہ کے امن مشنوں کو مضبوط بنانے کیلئے دور رس اور تزویراتی اصلاحات پر زور دیا ہے۔

اقوام متحدہ میں پاکستان کے مستقل مندوب سید حیدر شاہ نے یہ بات جنرل اسمبلی کے اکیاسی ویں اجلاس کی چوتھی کمیٹی میں امن کارروائیوں کے جامع جائزے پر اظہارِ خیال کرتے ہوئے کہی۔

مندوب نے امن فوجی دستوں کیلئے نمایاں تعداد میں اہلکار فراہم کرنیوالے اور میزبان ملک کی حیثیت سے پاکستان کے دیرینہ عزم کا اعادہ کیا۔