پاک بحریہ کے بحیرہ عرب میں تعینات بحری جہاز یرموک نے پاکستانی ساحل سے دور انسداد منشیات کی دو کارروائیاں کامیابی سے انجام دے کر بڑی مقدار میں منشیات قبضے میں لے لی ہے۔
فوج کے شعبہ تعلقات عامہ کے مطابق کارروائیوں کے دوران دو کشتیوں کو روکا گیا اور ان میں بنائے گئے خفیہ خانوں سے تقریباً آٹھ سو پچاس کلوگرام آئس اور دو ہزار کلوگرام چرس اور بھنگ برآمد کی گئی۔
منشیات کی مالیت تقریباً نو کروڑ ساٹھ لاکھ ڈالر سے زائد ہے۔
اُدھر صدر آصف علی زرداری اور وزیراعظم شہباز شریف نے بحیرہ عرب میں انسداد منشیات کی دو کامیاب کارروائیاں کرنے پر پاک بحریہ کے افسران اور اہلکاروں کو خراج تحسین پیش کیا ہے۔
انہوں نے اپنے الگ الگ بیانات میں کارروائیوں کے دوران منشیات کی بھاری مقدار قبضے میں لینے پر پاک بحریہ کے اہلکاروں کی پیشہ ورانہ صلاحیتوں کو سراہا۔
