فائل فوٹو

وزیر ریلوے محمد حنیف عباسی نے کہا ہے کہ کسی کو بھی ملک میں امن خراب کرنے کی اجازت نہیں دی جائے گی۔

وہ آج اسلام آباد میں ایک نیوز کانفرنس سے خطاب کر رہے تھے۔

وفاقی وزیر نے خیبر پختونخوا میں امن و امان کی صورتحال کے بارے میں گفتگو کرتے ہوئے کہا کہ صوبائی حکومت نے عوام کو دہشت گردوں کے رحم و کرم پر چھوڑ دیا ہے۔

انہوں نے عوام پر زور دیا کہ وہ صوبے میں بگڑتی ہوئی سکیورٹی صورتحال پر خیبر پختونخوا حکومت سے جواب طلب کریں۔