نائب وزیراعظم اور وزیر خارجہ اسحاق ڈار نے آج امریکی وزیر خارجہ مارکو روبیو سے ٹیلیفونک رابطہ کیا۔ انہوں نے دو طرفہ تعلقات، علاقائی سلامتی اور اقتصادی تعاون پر تبادلہ خیال کیا۔

نائب وزیر اعظم اور وزیر خارجہ نے پاکستان کے امریکہ کے ساتھ شراکت داری کو مضبوط کرنے کے عزم کا اعادہ کیا اور تجارت، سرمایہ کاری اور انسداد دہشت گردی میں تعاون کو مضبوط بنانے پر زور دیا۔

امریکی وزیر خارجہ نے پاکستان کے ساتھ تجارت اور سرمایہ کاری کے مختلف شعبوں بالخصوص معدنیات میں تعاون کی خواہش ظاہر کی۔

انہوں نے دہشت گردی کے خلاف جنگ میں پاکستان کی کوششوں کو سراہا اور انسداد دہشت گردی تعاون کو مزید بڑھانے کی امریکی خواہش کا اظہار کیا۔

دونوں فریقین نے افغانستان کی صورتحال پر بھی تبادلہ خیال کیا۔

دونوں فریقوں نے قریبی رابطے میں رہنے اور دونوں ممالک کے مشترکہ مفادات کو آگے بڑھانے کے لیے مل کر کام کرنے پر اتفاق کیا۔