اقتصادی تعاون تنظیم کے سیکرٹری جنرل ڈاکٹر اسد مجید خان کل سے پاکستان کا تین روزہ سرکاری دورہ کریں گے۔
اپنے دورے کے دوران وہ صدر، وزیراعظم، نائب وزیراعظم اور وزیر خارجہ اور وفاقی وزراء سمیت پاکستانی قیادت سے ملاقاتیں کریں گے۔
اِن ملاقاتوں میں ای سی او کے سیکرٹری جنرل تنظیم کے اقدامات اور اپنا اصلاحاتی ایجنڈا پیش کریں گے جس کا مقصد تنظیم کو نئی جہت دیناہے۔
اسلام آباد کی مصروفیات کے بعد ڈاکٹر اسد مجید خان لاہور بھی جائینگے جہاں وہ رواں ماہ کی بارہ سے پندرہ تاریخ تک ہونے والے اقتصادی تعاون تنظیم کے مستقل نمائندوں کی کونسل کے دوسوچورانوے ویں اجلاس کیلئے رکن ممالک کے مستقل نمائندوں کے ساتھ شامل ہوں گے۔
