نائب وزیراعظم اسحاق ڈار نے سرمایہ کاروں کو راغب کرنے اور معاشی ترقی کیلئے ملک میں کاروبار کے سازگار ماحول کو فروغ دینے کے حکومت کے عزم کا اعادہ کیا ہے۔
انہوں نے یہ بات اسلام آباد میں ملک میں سرمایہ کاری کے فروغ اور براہِ راست غیر ملکی سرمایہ کاری میں اضافے سے متعلق ایک اجلاس کی صدارت کرتے ہوئے کہی۔
اس موقع پر سرمایہ کاری کے ماحول کو مزید سازگار بنانے، سرمایہ کاروں کو سہولیات فراہم کرنے، نجکاری کا ایجنڈا آگے بڑھانے اور اقتصادی مواقع پیدا کرنے کے لیے اداروں کے درمیان رابطہ کاری کو بہتر بنانے کے اقدامات پر غور کیا گیا۔
