وزیر اعظم کی ہدایات پر این ڈی ایم اے نے میانمار میں زلزلہ متاثرین کیلئے 70 ٹن پر مشتمل امدادی سامان کی بروقت روانگی کو موثر طریقے سے یقینی بنایا۔

یانگون ایئرپورٹ پر 35 ٹن امدادی سامان کی دوسری کھیپ بھی میانمار حکام کے حوالے کردی گئی۔

اس سے قبل بھی پاکستان کی جانب سے 35 ٹن امدادی سامان کی پہلی کھیپ میانمار حکام کے حوالے کی جاچکی ہے۔

میانمار میں پاکستانی سفیر نے امدادی سامان کی دوسری کھیپ یانگون کے وزیر اعلیٰ کے حوالے کی۔ یانگون کے وزیر اعلیٰ نے فوری امداد کی فراہمی پر حکومت پاکستان اور عوام کا شکریہ ادا کیا۔

امدادی سامان میں تیار کھانا، کمبل، ترپالیں، خیمے، ادوایات اور پانی کے ماڈیولز شامل ہیں۔

پاکستان مشکل کی اس گھڑی میں میانمار کے زلزلہ متاثرین کے ساتھ کھڑا ہے۔