سیف گیمز کی تیاریوں کے حوالے سے رہبر کمیٹی کا اجلاس نائب وزیراعظم اسحاق ڈار کے زیر صدارت اسلام آباد میں ہوا۔

یہ گیمزجنوبی ایشیائی اولمپک کمیٹی کے تعاون سے آئندہ سال چار سے گیارہ اپریل تک ہوں گے۔

اجلاس میں قومی رابطہ کار کی تقرری اور رہبر، انتظامی اور صوبائی کمیٹیوں کی تشکیل کی بھی منظوری دی گئی۔

سیف گیمزمیں مجموعی طور پر اٹھائیس کھیلوں کے مقابلے ہوں گے، جن میں چھ ہزار سے زائد کھلاڑیوں اور آفیشلزکی شرکت متوقع ہے۔

مقابلے اسلام آباد، پنجاب اور خیبر پختونخوا میں ہوں گے۔

نائب وزیراعظم نے تمام متعلقہ حکام کو قریبی رابطہ برقرار رکھنے،مقابلوں کے مقامات کی بروقت تکمیل یقینی بنانے اور کامیاب میزبانی کا اعلیٰ ترین معیار برقرار رکھنے کی ہدایت کی۔