وزیراعظم کے معاون خصوصی برائے قبائلی امور مبارک زیب نے آج اسلام آباد میں وزیراعظم محمد شہبازشریف سے ملاقات کی۔
وزیراعظم نے ان سے گفتگو کرتے ہوئے ملک کے پسماندہ علاقوں کی ترقی اور خوشحالی کے لیے حکومتی ترجیحات کا اعادہ کیا۔
معاون خصوصی نے ضلع باجوڑ میں تعلیمی اداروں کے لیے پانچ بسیں فراہم کرنے پر وزیراعظم کا شکریہ ادا کیا۔
انہوں نے اپنے حلقے سے متعلق دیگر امور پر بھی تبادلہ خیال کیا۔
