نائب وزیر اعظم محمد اسحاق ڈار نے وزیرِ خزانہ محمد اورنگزیب کے ہمراہ وفاقی بجٹ سے قبل معمول کی بجٹ مشاورت کے سلسلے میں پاکستان پیپلز پارٹی کی سینئر قیادت سے ملاقات کی۔
ملاقات کے دوران وزیراعظم محمد شہباز شریف کو متفقہ طور پرسفارش کرنے پر اتفاق کیا گیا کہ آئندہ مالی سال کا بجٹ بدھ کے روز پیش کیا جائے۔
ملاقات میں موجودہ اخراجات اور ترقیاتی اخراجات کی ترجیحات پر غور کیا گیا جن میں پبلک سیکٹر ڈویلپمنٹ پروگرام کے ساتھ ساتھ وسیع تر اقتصادی ترجیحات بھی شامل تھیں جن میں عوامی فلاح و بہبود کے اقدامات، ترقیاتی منصوبے اور آئندہ مالی سال کے لئے جامع ترقی شامل ہے۔
