خاتون اول بی بی آصفہ بھٹو زرداری نے تمام والدین اور بچوں کی دیکھ بھال کرنیوالوں پر زوردیا ہے کہ وہ مہم کے دوران پانچ سال سے کم عمر ہر بچے کو پولیو سے بچاؤ کے قطرے پلانا یقینی بنائیں۔
آج سے شروع ہونیوالی انسداد پولیو مہم کے موقع پر اپنے پیغام میں انہوں نے کہا کہ پاکستان نے انیس سو چورانوے میں انسداد پولیو کے قومی پروگرام کے آغاز کے بعد سے اب تک پولیو کے کیسز میں ننانوے اعشاریہ آٹھ فیصد کمی کرکے نمایاں پیشرفت کی ہے۔
آصفہ بھٹو زرداری نے کہا کہ ہمارا ہدف آئندہ سال جون تک پاکستان کو پولیو سے پاک کرنا ہے جس کی خاطر پولیوویکسین کی ہر بچے تک رسائی کیلئے مسلسل کوششیں ضروری ہیں۔انہوں نے پولیو کے ان ورکرز کو خراج تحسین پیش کیا جو ملک بھرمیں خدمات جاری رکھے ہوئے ہیں۔
