وزیراعظم محمد شہباز شریف نے کرغزستان کے دارالحکومت بشکیک میں آلا آرچا نیشنل پارک کا دورہ کیا۔
دورے کے دوران وزیراعظم کو کرغز ثقافت اور اس سے منسلک مختلف روایتی سرگرمیوں، ثقافتی رقص اور دیگر روایتی فنون کا مظاہرہ پیش کیا گیا۔
شہباز شریف نے کرغز عوام کی شاندار ثقافتی روایات اور صدیوں پر محیط ورثے میں گہری دلچسپی کا اظہار کیا۔
انہوں نے روایتی گھڑ سواری، عقابوں کے ذریعے شکار اور دیگر ثقافتی سرگرمیوں کا مشاہدہ کیا۔
وزیراعظم نے کرغزستان کی ثقافتی روایات کو قابلِ تحسین قرار دیتے ہوئے دونوں ممالک کے عوام کے درمیان تاریخی، ثقافتی اور برادرانہ تعلقات کو مزید مضبوط بنانے کی اہمیت پر زور دیا۔
