ایک چینی کمپنی نے پاکستان میں ٹیکسٹائل کی برآمدات کا ایک جدید مرکز قائم کرنے کا فیصلہ کیا ہے۔

چیلنج فیشن (Challenge Fashion) کی سی ای او، چن یان (Chen Yan) نے کہا ہے کہ ان کی کمپنی پاکستان سے اب تک 300 ملین ڈالر سے زائد کی ٹیکسٹائل برآمد کرچکی ہے۔

انہوں نے کہا کہ کمپنی کپڑے اور ملبوسات کی تیاری کیلئے جدید ترین ٹیکنالوجی کی حامل ایک بہت بڑی فیکٹری قائم کرنے جارہی ہے۔ اس منصوبے کے تحت 25 ہزار سے زیادہ روزگار کے مواقع اور سالانہ 400 ملین ڈالر سے زائد برآمدات کا ہدف مقرر کیا گیا ہے۔