پاکستان نے غزہ میں جنگ بندی کی مسلسل خلاف ورزیوں اور سنگین انسانی بحران پر تشویش کا اظہار کیا ہے۔
اقوام متحدہ میں پاکستان کے مستقل مندوب عاصم افتخار احمد نے غزہ میں انسانی صورتحال پر اقوامِ متحدہ کی سلامتی کونسل کے ہنگامی اجلاس سے خطاب کرتے ہوئے کہا کہ بورڈ آف پیس، اقوامِ متحدہ اور بین الاقوامی غیر سرکاری تنظیموں کی تمام انسانی امدادی کوششیں قابض حکام کے غیر قانونی اقدامات کے باعث شدید متاثر ہو رہی ہیں۔
انہوں نے کہا کہ غزہ میں انسانی ہمدردی کی بنیاد پر امداد تک رسائی بلا رکاوٹ جاری رہنی چاہئے۔
