پاکستان نے ترکیہ میں کردستان ورکرز پارٹی کو تحلیل کرنے کے اعلان کا خیر مقدم کیا ہے۔
دفترخارجہ نے ایک بیان میں کہا کہ پاکستان اس اعلان کا خیر مقدم کرتا ہے اور اس پیشرفت کو پائیدار امن واستحکام کی جانب ایک اہم قدم سمجھتا ہے۔
دفترخارجہ نے کہا کہ پاکستان اور ترکیہ گہرے برادرانہ تعلقات میں منسلک ہیں اور انہوں نے انسداد دہشتگردی کی کوششوں سمیت باہمی دلچسپی کے تمام شعبوں میں ہمیشہ ایک دوسرے کا ساتھ دیا ہے۔
