بری فوج کے سربراہ جنرل سید عاصم منیر نے آج کمبائنڈ ملٹری ہسپتال راولپنڈی کا دورہ کیا اور معرکہ حق و آپریشن  بُنۡيَانٌ مَّرۡصُوۡصٌ  کے دوران زخمی ہونے والے جوانوں اور معصوم شہریوں کی عیادت کی۔

دورے کے دوران انہوں نے زخمی جوانوں سے الگ الگ ملاقات کی اور ان کی بے مثال بہادری اور اپنے فرض سے لگن کی تعریف کی اور پاکستان کی مسلح افواج کی طرف سے ان کی دیکھ بھال ، بحالی اور فلاح کے عزم کا اعادہ کیا۔

بری فوج کے سربراہ نے کہا کہ ہمارے شہری اور جوانوں نے پاکستان کی سلامتی کیلئے جراتمندانہ قربانی دی۔ انہوں نے کہا کہ پوری قوم اپنی مسلح افواج کے ہرسپاہی کیساتھ کھڑی ہے۔

جنرل سید عاصم منیر نے کہا کہ کوئی بھی ناپاک سازش پاکستان کی مسلح افواج کے حوصلے پست نہیں کرسکتی۔