نائب وزیراعظم او روزیر خارجہ اسحاق ڈار نے یورپ اور فرانس کے خارجہ امور کے وزیرJean Noel Barrot سے ٹیلی فون پر بات کی۔نائب وزیراعظم نے بتایا کہ پاکستان نے پورے بحران کے دوران صبروتحمل کا مظاہرہ کیا اور اقوام متحدہ کے منشو ر اور بین الاقوامی قانون کے مطابق صرف اپنے دفاع کاحق استعمال کیا۔انہوں نے کہا کہ پاکستان علاقائی امن اور سلامتی برقرار رکھنے کے لئے ذمہ دارانہ انداز میں کام کرتارہے گا۔فرانس کے وزیر نے معصوم جانوں کے ضیاع پر تعزیت کی۔پاکستان اور بھارت کے درمیان جنگ بندی معاہدے کا خیرمقدم کرتے ہوئے انہوں نے فریقین پر صبروتحمل سے کام لینے کی ضرورت پر زور دیا۔دونوں رہنمائوں نے کثیر جہتی فورمز کے ذریعے قریبی رابطہ رکھنے پر بھی زور دیا۔