قومی تحفظ خوراک کے وزیر رانا تنویر حسین نے ملکی معیشت میں پاکستان کے زرعی شعبے کے کردار کی اہمیت پر زور دیا ہے۔

اسلام آباد میں پائیدار ترقی کی کانفرنس سے خطاب کرتے ہوئے وفاقی وزیر نے کہا کہ موسمیاتی تبدیلیوں سے نمٹنے کے لیے جدید ٹیکنالوجی کا استعمال ناگزیر ہے۔

انہوں نے کہا کہ پاکستان ماحولیاتی تبدیلیوں کے خطرے میں عالمی سطح پر پانچویں نمبر پر ہے۔

وفاقی وزیر نے کہا کہ زرعی شعبے میں کلیدی شراکت دار کے طور پر، پاکستان زرعی تحقیقی کونسل کو ان چیلنجز سے نمٹنے کے لیے جدت پسندی اور نئی ٹیکنالوجیز کو اپنانے کی ضرورت ہے۔

انہوں نے زرعی پیداوار اور کارکردگی کو بہتر بنانے کے لیے سیٹلائٹ امیجنگ اور جیوگرافک انفارمیشن سسٹم جیسی جدید ٹیکنالوجیزکے استعمال کی اہمیت پر بھی زور دیا۔