صدر ڈاکٹر عارف علوی نے کہا ہے کہ بلوچستان وسط ایشیائی ملکوں کے ساتھ تجارتی اور اقتصادی تعلقات بڑھانے کے لئے رسائی فراہم کرنا ہے۔

منگل کے روز کوئٹہ میں ارکان پارلیمنٹ سے گفتگو کرتے ہوئے انہوں نے کہا کہ چین' پاکستان اقتصادی راہداری منصوبے میں گوادر کی بہت اہمیت ہے۔صدر نے سی پیک کے تناظر میں ملک کے نوجوانوں کو جدید مہارتوں سے آراستہ کرنے پر توجہ مرکوز کرنے کی ضرورت پر زور دیا۔انہوں نے کہا کہ بلوچستان میں زراعت' ماہی گیری' اور لائیو سٹاک کے شعبوں میں ترقی کے وسیع مواقع موجود ہیں اور ہم تمام میسر وسائل کا صحیح استعمال بنانے کے لئے درست سمت میں اقدامات کررہے ہیں۔